Хосе Луис Чилаверт Килиан Мбаппенинг Жанубий Америка футболи ҳақидаги сўзларига муносабат билдирди.
2022 йилнинг май ойида "ПСЖ" ва Франция терма жамоаси ҳужумчиси: "Жанубий Америкада футбол Европадаги каби ривожланган эмас. Шундай экан, сўнгги жаҳон чемпионатларига эътибор қаратсангиз, Европа жамоалари доимо ғалаба қозонишган" - деганди.
"Қаранг, Мбаппе Жанубий Америкада яхши футбол ўйнамайдилар ёки савия унчалик яхши эмас, деди. Унинг Ла-Пас ёки Китода юқори югуришини ёки Бразилияда меҳмонда ўйнашини кўришни истардим. Бу ерда у ўртача футболчи бўларди, уни олдиндан айтиш мумкин.
Шубҳасиз, у тезликда устунликка эга, аммо агар биз унга нисбатан бир ҳимоячини бириктириб қўйсак, уни осонгина назорат қилишимиз мумкин" - деди Парагвай терма жамоасининг собиқ дарвозабони.
