Хорватия терма жамоасининг етакчи футболчиларидан бири Иван Перишич Миллатлар лигаси доирасида Испанияга қарши кечадиган финал учрашуви олдидан ОАВга гапирди.
"Бизни қийин кураш кутмоқда, испанларда жуда кучли ўрта чизиқ вакиллари бор ва уларнинг барча футболчилари юқори савияли.
Лекин биз финалга тўлиқ тайёрланамиз. Келинг, ўйинга энг яхши тарзда тайёрланайлик. Биз яна бир ажойиб баҳс ўтказмоқчимиз.
Пенальтилар устида ишлаяпмиз, бу фойдали бўлиши мумкин", - деди ярим ҳимоячи.
18 июнь, якшанба куни Миллатлар Лигасининг финали бўлиб ўтади.
