Лондоннинг “Челси” ва “Арсенал” клублари Кай Хаверцнинг трансфери борасида келиша олмаяпти.
Аввал хабар берганимиздек, 24 ёшли ҳужумчи “канонирлар” билан шартнома шартларини келишиб олган. Бироқ, Sky Sports хабарига кўра, клублар трансфер суммаси бўйича ҳалигача келиша олишмаяпти: "Арсенал" 70 миллион евродан кўп бўлмаган пул тўлашга тайёр, "Челси" эса 80 миллион евродан кўпроқ пул талаб қилишда давом этмоқда.
Хаверц ўтган мавсумда 47 ўйинда 9 та гол урди ва битта голли узатмани амалга оширди.