«Нефтчи» кеча "Пахтакор"га қарши навбатдаги ўртоқлик учрашувини ўтказди. Унда Виталий Левченко шогирдлари иродали ғалабага эришди.

Учрашувнинг 19-дақиқасида тошкентликлар ташкил этган қарши ҳужум оқибатида  Р.Турдимуродов ҳисобни очишга эришди.

Лекин, ушбу баҳсга жиддий тайёргарлик олиб борган Виталий Левченко шогирдлари Тома Табатадзенинг маҳорати эвазига ҳисобни 1:1 кўринишига келтиришди.

Фарғоналиклар ҳужумларни давом эттириб, биринчи бўлим охирига бир неча дақиқалар қолганда "Пахтакор" дарвозасини иккинчи бор ишғол этишга муваффақ бўлишди. Бу вазиятда Нурилло Тўхтасинов ҳар галгидек ўз услубида чиройли гол киритиб, "Нефтчи"ни олдинга олиб чиқди.

"Нефтчи" иккинчи бўлимда ҳам анча фаол ва мазмунли ўйин намойиш этишиб, мезбонларга гол киритиш учун ҳеч қандай имконият қолдирмади. Якунда эса амалдаги чемпион устидан иродали ғалаба қўлга киритилди.

Назорат ўйини
Тошкент шаҳар. 18 июнь. "Пахтакор" стадиони
"ПАХТАКОР"-"НЕФТЧИ" - 1:2
"Пахтакор": 35.С.Қувватов, 5.Д.Турсунов, 10.Д.Черан, 12.С.Поёнов, 16.Р.Турдимуродов, 17.Д.Ҳамдамов, 28.Д.Холматов, 30.Ш.Раҳматуллаев, 31.М.Усмонов, 40.Д.Ортиқбоев, 90.Ж.Алижонов
"Нефтчи": 45.Акбар Тўраев, 7.Умар Адҳамзода, 8.Нурилло Тўхтасинов, 13.Лутфулла Тўраев, 19.Мирзоҳид Ғофуров, 20.Анваржон Ғофуров, 21.Муҳсинжон Убайдуллаев, 22.Тома Табатадзе, 23.Диёржон Туропов, 24.Ғулом-Ҳайдар Ғуломов, 26.Алексей Ларин
Голлар: Р. Турдимуродов, 19'(1:0), Т. Табатадзе, 28'(1:1), Н.Тўхтасинов, 42'(1:2)

"Нефтчи" ПФК матбуот хизмати