Португалия ҳужумчиси Криштиану Роналду 2024 йилги Европа чемпионати саралаш ўйинида Исландия устидан қозонилган минимал ғалаба ҳақида гапирди. Пиренейликлар 1:0 ҳисобида ғалаба қозонишди, ягона гол КриРо томонидан киритилди.
“Бу муваффақиятнинг ўзига хос таъми бор. Бу – юбилей ўйин. Буни ғалабали гол билан якунлаганимдан хурсандман, мен бундан ортиқ нарсани сўрай олмадим. Бу жуда зўр ва унутилмас бўлди”, - деди 38 ёшли тўпурар.
Криштиану Португалия терма жамоасида ўйнаган ўйинлар сони бўйича мутлақ рекордчи ҳисобланади. Ҳужумчи терма жамоа сафида 200 та ўйин ўтказган.
