Ҳужумчи Маркус Тюрам тез орада "Милан"га ўтишни якунлаши керак.
Журналист Жанлука ди Марционинг фикрича, франциялик футболчи жамоадаги энг кўп маош олувчи футболчилардан бирига айланади, чунки унинг маоши йилига 6 миллион еврога етади.
Эслатиб ўтамиз, аввалроқ Тюрамда фаолиятини Франциянинг "ПСЖ" жамоасида давом эттириш имконияти ҳам бор эди, бироқ футболчи якунда "Милан"ни танлашга қарор қилди, у ерда унга барқарор ўйин амалиёти кафолатланганди.
Ўтган мавсумда Тюрам Менхенгладбахнинг "Боруссия" жамоаси сафида Бундеслигада 13 та гол урди ва 6 та голли узатмани амалга оширди. Унинг отаси Лиллиан аввал Италияда "Парма" ва "Ювентус"да ўйнаган.
