Ярим ҳимоячи Жоржиньо Вейналдум келажаги ҳақида гапирди. 2022/2023 йилги мавсумда нидерландиялик футболчи "Рома"да ижара асосида ўйнади, бироқ мавсум бошида олган оғир жароҳати туфайли бор-йўғи 23та ўйинда майдонга тушди. Вейналдумнинг "ПСЖ" билан яна бир мавсумга мўлжалланган шартномаси бор.
"Агар "ПСЖ" қолишимни сўраса, рози бўламан. Ўтган ёзда клуб менинг кетишимни хоҳлаган эди, шунинг учун мен кетдим. Йил давомида мен ал-Хелайфий ва Кампуш билан бир неча бор гаплашдим. "ПСЖ" шифокорлари билан ҳам алоқада бўлдим.
Ишончимни йўқотдим деб айта олмайман, лекин қувончимни йўқотдим. Одамлар менга яна ишонишлари керак. Мен ҳали ҳам “Ливерпуль”даги ўйинчиман”, деди Вейналдум L'Equipe нашрига.
