"Саутгемптон" ярим ҳимоячи Ромео Лавияни сотиш учун 58 миллион евро талаб қилмоқда, деб хабар беради TalkSport.
“Авлиёлар” клубнинг асосий футболчиларидан бири ҳисобланган ўйинчи учун муносиб товон пули олмоқчи. Аввалроқ, 19 ёшли бельгиялик футболчига "Арсенал" ва "Челси" клублари қизиқиш билдираётгани ҳақида хабар берилганди.
Агар футболчи сотилса, "Саутгемптон" ўтган ёзда футболчи сотиб олинган "Манчестер Сити"га шартноманинг бир фоизини тўлаши керак бўлади.
2022/23 йилги мавсумда Лавия “Саутгемптон” сафида 34 та ўйинда 1 та гол урди ва 1 та голли узатмани амалга оширди. Transfermarkt.com портали футболчининг нархини 32 миллион еврога баҳоламоқда.
