"Жирона" ярим ҳимоячиси Ориол Ромеу "Барселона"га қайтиши мумкин.
Испаниялик футболчи 2004 йилдан 2011 йилгача "кўк-анорранглилар" академиясида ўйнаган, шундан сўнг у Лондоннинг "Челси" клубига сотилган. Catalunya Radio хабарига кўра, Ромеу шу ёзда "Барселона"га қайтиши мумкин. Каталония гранди бош мураббийи Хави Эрнандес 31 ёшли ярим ҳимоячини кетган Серхио Бускетснинг ўрнига муқобил деб ҳисобламоқда. "Бавария"дан Жошуа Киммих ва "Реал Сосьедад"дан Мартин Субименди ҳимоячи ярим ҳимоя позицияси учун энг яхши вариант бўлиб қолмоқда.
Transfermarkt экспертлари Ориол Ромеунинг трансфер нархини 5 миллион еврога баҳоламоқда.