"Манчестер Юнайтед" ўзининг асосий дарвозабони Давид де Хеа билан шартномани узайтиришга яқин турибди.
Италиянинг La Gazzetta dello Sport нашри "манкунианликлар" амалдаги шартномаси июль ойи бошида тугайдиган испаниялик дарвозабон билан оғзаки келишувга эришганини хабар қилди.
Бироқ бош мураббий Эрик тен Хаг жамоада оёқлари билан яхши ўйнай оладиган янги дарвозабонни кўрмоқчи. Нидерландиялик мутахассиснинг мақсади - "Порту" аъзоси Диогу Кошта ва "Интер" посбони Андре Онана.
Эслатиб ўтамиз, "Манчестер Юнайтед" сўнгги мавсумни Англия Премьер-лигасида учинчи ўринда якунлаганди.