Мадриднинг "Реал" клуби расмий сайти орқали ярим ҳимоячи Дани Себальос билан шартнома узайтирилганини эълон қилди. 26 ёшли футболчи 2027 йилнинг июнь ойи охиригача ҳисобланган шартнома имзолади.
Себальос "Реал" сафида жами 120 та ўйин ўтказган. Уларда ярим ҳимоячи 6 та гол урди ва шерикларига 12 та голли узатмани амалга оширди.
Эслатиб ўтамиз, Себальоснинг Мадрид гранди билан аввалги шартномаси муддати бир ҳафтадан сўнг – июнь ойининг сўнгги кунида якунига етарди.
Эслатиб ўтамиз, "Реал" Испания чемпионатида иккинчи ўринни эгаллаган эди.
