"ПСЖ" ҳужумчи Килиан Мбаппега ультиматум қўйди, дея хабар беради журналист Дани Хиль Лопес.
Манбанинг хабарига кўра, Париж клуби футболчининг шартномани узайтиришга рози бўладими ёки йўқлиги борасида аниқ позициясини эшитмоқчи. Агар 24 ёшли франциялик футболчи рад этса, у ёзда сотилади.
23 июнь, жума куни “ПСЖ” жамоаси “Реал Мадрид” жорий трансфер ойнасида Мбаппени 250 миллион еврога сотиб олишга рози бўлганини эълон қилди.
"ПСЖ" Мбаппени 2017 йилнинг августида "Монако"дан ижарага олган ва бир йилдан сўнг футболчини 180 миллион еврога сотиб олганди. 2022/23 йилги мавсумда ҳужумчи парижликлар сафида барча мусобақаларда 43 та ўйинда майдонга тушиб, 41 та гол урди ва 10 та голли узатмани амалга оширди.
