Мёнхенгладбахнинг "Боруссия" клуби ҳужумчиси Маркус Тюрам фаолиятини "Интер"да давом эттиради, дея хабар бермоқда журналист Фабрицио Романо.
Манбага кўра, томонлар битим тузиш бўйича келишувга эришган. 25 ёшли франциялик футболчи Италия клубига текинга ўтади ва йилига 6 миллиондан 6,5 миллион еврогача маош олади. Шартнома муддати белгиланмаган.
"Интер" яқин икки кун ичида трансферни расман эълон қилишни режалаштирмоқда.
Тюрам “Боруссия М” жамоасида 2019 йил июлидан буён тўп тепади, 2022/23 йилги мавсумда у жамоа сафида барча турнирларда 32 та ўйинда майдонга тушиб, 16 та гол урди ва 7 та голли узатмани амалга оширди. Ҳужумчининг клуб билан шартномаси 2023 йилнинг июнь ойи охиригача амал қилади.