"Интер Майами" "Барселона"нинг собиқ ярим ҳимоячиси Сержи Бускетс билан шартнома имзолаганини "Твиттер" ижтимоий тармоғида ажойиб тарзда эълон қилди.
Ижтимоий тармоқда 34 ёшли испаниялик футболчи ҳақида футбол аҳлининг сўзлари акс этган видео чоп этилди.
Хусусан, видеода Висенте Дель Боске, Лука Модрич, Хави, Пеп Гвардиола, Хуан Роман Рикельме ва Лионель Мессининг иборалари мавжуд.
Трансфер эркин агент сифатида амалга ошди.
2022/23 йилги мавсумда футболчи "Барселона" сафида 42 та ўйинда майдонга тушиб, 4 та голли узатмани амалга оширган.
