"ПСЖ" ярим ҳимоячиси Фабиан Руис ўтган мавсумни сарҳисоб қилди.
"Бир йил давомида чемпионатда биринчи ўринда қолиш қийин. Биз биламизки, бошқа барча жамоалар жуда мотивацияга эга. Ўйлайманки, биз ўз мавсумимиздан, айниқса чемпионатдан қониқиш ҳосил қилишимиз мумкин, чунки биз ўзимиз мақсад қилган нарсага эришдик", - дея Руиснинг сўзларини келтиради клуб матбуот хизмати.
"ПСЖ" 2022/23 йилги мавсумда 38 ўйиндан 85 очко жамғарган ҳолда Франция чемпионлигини қўлга киритди. Иккинчи ўринни эгаллаган "Ланс" эса парижликлардан атиги бир очко кам тўплади. "ПСЖ" учун бу чемпионлик кетма-кет иккинчиси бўлди.