"Арсенал" ҳужумчиси Эдди Нкетиа "Челси" футболчиси Кай Хаверцнинг лондонликлар сафига ўтиши мумкинлиги ҳақидаги хабарлардан сўнг ўз келажагини кўриб чиқмоқда.
24 ёшли ҳужумчи клубда кўпроқ ўйин амалиётига эга бўлмоқчи. Хаверцнинг трансфери унинг мунтазам ўйнаш имкониятини шубҳа остига қўяди.
Аввалроқ Хаверц "Арсенал"га ўтишдан олдин дам олиш кунлари тиббий кўрикдан ўтиши ҳақида хабар берилганди.
2022/23 йилги мавсумда Нкетиа "Арсенал" сафида барча мусобақаларда 39 та ўйинда майдонга тушиб, 9 та гол урди ва 3 та голга ассистентлик қилди. Унинг "канонирлар" билан шартномаси 2027 йилнинг ёзига қадар мўлжалланган.