"ПСЖ" ҳимоячиси Ашраф Ҳакимий фаолиятини "Манчестер Сити"да давом эттириши мумкин, деб хабар беради Marca.
Манбага кўра, "шаҳарликлар" 24 ёшли марокашлик футболчига Кайл Уокернинг кетиши муносабати билан қизиқиш билдиришган. Қолаверса, қишда “Бавария”га ижарага берилган Жоау Канселу ҳам жамоага қайтмайди.
Ҳакимий "ПСЖ"да 2021 йилдан бери тўп тепади. Ҳимоячи ўтган мавсумда барча турнирларда 39 та ўйинда майдонга тушиб, 5 та гол урди ва 6 та голли узатмани амалга оширди.