"Наполи" ҳужумчиси Виктор Осимхенга Англия премьер-лигасининг топ-клублари орасида талаб катта, бу ҳақда инсайдер Саша Тавольери ижтимоий тармоқлар орқали маълум қилди.
Журналистга маълум бўлишича, нигериялик тўпурарга Англия футболининг уч гиганти қизиқиш билдирмоқда.
Гап "Челси", “Манчестер Юнайтед” ва “Ливерпуль” жамоалари ҳақида кетмоқда. Клуб вакиллари ҳужумчининг агенти билан учрашув тайинлади.
Ўтган мавсумда Осимхен 32 учрашувда 26 та гол уриб, Италия чемпионатининг энг яхши тўпурари бўлди.
Викторнинг неаполликлар билан шартномаси 2025 йилнинг ёзига қадар тузилган, унинг трансфер нархи 120 миллион еврони ташкил қилади.
