Дортмунднинг "Боруссия" клуби "Аякс" ярим ҳимоячиси Эдсон Альваресни сотиб олишга яқин турибди, дея хабар беради журналист Фабрицио Романо.
Манбанинг хабарига кўра, немис клуби трансфер бўйича деярли келишиб олган. Битим бир ҳафта ичида якунланиши керак, 25 ёшли мексикалик янги жамоа билан 2028 йилнинг июнь ойи охиригача шартнома имзолайди.
Альварес "Аякс"да 2019 йилнинг июлидан буён тўп тепади, 2022/23 йилги мавсумда у жамоа сафида 44 та ўйинда 4 та гол урди ва 3 та голга ассистентлик қилди.
Transfermarkt.com портали футболчининг нархини 35 миллион еврога баҳолаган.
