"ПСЖ" ярим ҳимоячиси Леандро Паредес клубда қолишни истаётганини айтди.
2022/23 йилги мавсумда аргентиналик футболчи "Ювентус"да ижара асосида ўйнаган.
"Ҳозирда мен кейинги мавсумда қаерда бўлишимни билмайман. Менга "ПСЖ"да қолиш варианти ёқади, чунки жамоани Луис Энрике бошқаради деган миш-мишлар юрибди ва мен бу мураббий билан ишлашдан манфаатдорман. Мен унинг қўл остидаги машғулотларни интиқлик билан кутаман ва агар имконият туғилса, Парижда қоламан", - дея Паредеснинг сўзларини келтиради ESPN.
Паредес 2019 йилнинг январида "Зенит"дан "ПСЖ"га ўтганди. 28 ёшли футболчининг француз клуби билан шартномаси 2024 йилнинг июнь ойи охиригача амал қилади.
