Мадриднинг “Атлетико” клуби ҳужумчиси Антуан Гризманн Мадрид клубини тарк этиш ниятида эмас, дейди инсайдер Фабрицио Романо.
Манбага кўра, ҳужумчига испан жамоасидаги шароит ёқади, у ёзги трансфер ойнасида уни тарк этмайди.
Аввалроқ, "Ан-Наср" франциялик футболчи учун "матрасчиларга" 25 миллион евро таклиф қилгани хабар қилинганди.
32 ёшли Гризманнинг “Атлетико” билан амалдаги шартномаси 2023 йилнинг 30 июнида якунига етади.
2022/23 йилги мавсумда у “Атлетико” таркибида 48 та ўйинда майдонга тушиб, 16 та гол урди ва 19 та голли узатмани амалга оширди. Transfermarkt.com портали футболчининг нархини 25 миллион еврога баҳоламоқда.
