"Лацио" ярим ҳимоячиси Сергей Милинкович-Савич "Милан"га ўтишга яқин турибди, дея хабар беради Lazio Press.
Манбага кўра, сербиялик ярим ҳимоячи "Ньюкасл"га ўтган Сандро Тоналининг ўрнини эгаллаши мумкин.
Қайд этилишича, римликлар футболчини сотишдан камида 35 миллион евро ишлаб олишни режалаштиришган. Аввалроқ футболчига "Ювентус", "Ливерпуль" ва "Арсенал" клублари қизиқиш билдираётган эди.
28 ёшли футболчи жорий мавсум А Серияда 36 та ўйинда майдонга тушиб, 9 та гол урди ва 8 та голли узатмани амалга оширди.