"Арсенал" ярим ҳимоячиси Томас Парти фаолиятини Саудия Арабистони чемпионатида давом эттиришдан бош тортди, дея хабар беради журналист Фабрицио Романо.
Манбанинг хабар беришича, 30 ёшли ганалик Саудия клубларининг бир қанча таклифларини рад этган. Футболчи шу ёзда "Арсенал" уни сотган тақдирда ҳам Европада ўйнашда давом этишини кутмоқда.
Олдинроқ "Ювентус" футболчига даъвогар экани хабар қилинганди.
2022/23 йилги мавсумда Парти "Арсенал" сафида 40 та ўйинда 3 та гол урган. Transfermarkt.com портали ярим ҳимоячининг нархини 35 миллион еврога баҳоламоқда.
