«ПСЖ» ва Бразилия терма жамоаси ҳужумчиси Неймар, агар футбол жамоавий ўйин бўлмаганида, барча чўққиларни анча олдин қўлга киритган бўлишини айтди.
«Агар футбол индивидуал спорт тури бўлганида, ҳозир барча мақсадларимга эришган бўлардим. Лекин йўқ... Албатта, менинг исмим туфайли босим кўп. Майдонда ҳам, майдон ташқарисида ҳам. Баъзан ўз манзилимга бўлган танқидни ёқтирмайман, чунки бу менинг шахсий ҳаётим ва мен хоҳлаганимни қила оламан», - деди Неймар.
31 ёшли ҳужумчи 2017 йилнинг ёзидан буён парижликлар сафида тўп тепмоқда. Унинг «ПСЖ» билан шартномаси 2025 йилнинг июнь ойи охиригача амал қилади. Унинг трансфер нархи 70 миллион евро.
