Ярим ҳимоячи Илкай Гюндоган "Барселона" таклифини қабул қилишдан олдин фаолиятини "Манчестер Сити"да давом эттиришни режалаштирганди.

Шу ой охирида "шаҳарликлар" билан шартномаси тугайдиган 32 ёшли футболчига турли клублар, жумладан, "Манчестер Сити"нинг ўзидан ҳам таклифлар тушган. Инглиз гиганти раҳбарияти Гюндоган билан ҳамкорликни давом эттириш ниятида эди, ярим ҳимоячининг ўзи эса қолишга қарор қилган, аммо келишувга эришилмаган. Журналист Сэм Лининг ёзишича, сардор узоқроқ муддатли шартнома кутган, аммо раҳбарият бу талабни қондира олмади, бу эса “Барселона”га футболчи учун курашда ғалаба қозониш имконини берди.