Yarim himoyachi Ilkay Gyundogan "Barselona" taklifini qabul qilishdan oldin faoliyatini "Manchester Siti"da davom ettirishni rejalashtirgandi.
Shu oy oxirida "shaharliklar" bilan shartnomasi tugaydigan 32 yoshli futbolchiga turli klublar, jumladan, "Manchester Siti"ning o‘zidan ham takliflar tushgan. Ingliz giganti rahbariyati Gyundogan bilan hamkorlikni davom ettirish niyatida edi, yarim himoyachining o‘zi esa qolishga qaror qilgan, ammo kelishuvga erishilmagan. Jurnalist Sem Lining yozishicha, sardor uzoqroq muddatli shartnoma kutgan, ammo rahbariyat bu talabni qondira olmadi, bu esa “Barselona”ga futbolchi uchun kurashda g‘alaba qozonish imkonini berdi.
