Саудия Арабистони ўсмирлар терма жамоаси бош мураббийи Абдулваҳоб Носир ал-Ҳарбий U17 Осиё кубоги чорак финал босқичида бўлиб ўтган Ўзбекистонга қарши ўйин (0:2) борасида ўз фикрлари билан ўртоқлашди.

"Ўзбекистон ажойиб ўйин ўтказди. Аммо биз ҳам ёмон ўйнамадик. Биз ўйин давомида яхши ҳимояландик ва кўп вазиятларни юзага келтирдик.

Пенальтини голга айлантира олмаганимиздан кейин футболчиларда жанговарлик бироз пасайди. Руҳиятни кўтариш учун танаффусда йигитлар билан гаплашдим.

Бугун омад биз томонда бўлмади. Ўзбекистон ўз голларини ўйин сўнгида ургани учун бизда жавоб қайтариш учун вақт қолмади.

Шунга қарамай, бундай савиядаги ўйинларда иштирок этиш футболчилар учун яхши тажриба бўлди", — деди Ал-Ҳарбий.