"Ал-Аҳли Жидда" клуби ҳужумчи Роберто Фирмино трансфери бўйича музокараларни давом эттирмоқда. Журналист Фабрицио Романонинг сўзларига кўра, томонлар эркин агент сифатида ўтиш борасида келишиб олишга яқин.
Қайд этилишича, Фирминога 3 йиллик шартнома таклиф қилинган. Футболчи клуб билан якуний тафсилотларни муҳокама қилмоқда, шундан сўнг у трансферга якуний яшил чироқ ёқиш ниятида.
Эслатиб ўтамиз, Фирмино мавсум охирида "Ливерпуль"ни эркин агент сифатида тарк этган эди, гарчи жамоа у билан шартномасини узайтиришга қарши бўлмаса ҳам. Бразилиялик футболчи Англия Премьер-лигасининг сўнгги мавсумида 11 та гол ва 4 та голли узатмани амалга оширди. Унинг хизматларига "Реал" ва "Ювентус" ҳам қизиқиш билдиришган.