"Лестер" ярим ҳимоячиси Жеймс Маддисон тез орада "Тоттенхэм"да тиббий кўрикдан ўтиши кутилмоқда. Журналист Фабрицио Романонинг сўзларига кўра, англиялик яқин 24 соат ичида процедурадан ўтади, шундан сўнг у шартнома имзолайди.
"Тоттенхэм" Меддисон учун товон пули миқдорини келаси мавсум Англиянинг иккинчи дивизионида бошлайдиган "Лестер" билан келишиб олди. "Тулкилар" ярим ҳимоячиси учун тахминан 45 миллион евро олишади.
Маддисон сўнгги мавсумларда “Лестер”нинг етакчиларидан бири бўлди. "Тулкилар" билан ярим ҳимоячи 2021 йилда Англия кубогини қўлга киритди.
