"Челси" ярим ҳимоячиси Каллум Хадсон-Одои жамоани тарк этишга яқин турибди, дея хабар беради The Guardian.
Манбага кўра, 22 ёшли англиялик футболчига "Милан", "Фулхэм" ва "Ноттингем Форест" даъвогарлик қилмоқда. "Челси" унинг учун 15 миллион фунт стерлинг талаб қилмоқда.
2022/23 йилги мавсумда Хадсон-Одои Леверкузеннинг "Байер" клубида ижара асосида ўйнади. У немис клуби сафида 21 та ўйинда майдонга тушиб, 1 та гол урди ва 1 та голли узатмани амалга оширди.