"Вест Хэм" яримҳимоячиси Деклан Райс "Арсенал"га ўтишга жуда яқин турибди. Инсайдер Фабрицио Романонинг сўзларига кўра, “канонирлар” шартномани ёпишга бир қадам қолган.
Журналистнинг таъкидлашича, "Арсенал" Райсни яқин икки кун ичида сотиб олиши керак. Декланнинг Лондоннинг топ-клубига ўтишига шубҳа йўқ.
Олдинроқ "Арсенал" раҳбарияти ярим ҳимоячининг трансфери учун тахминан 120 миллион евро тўлаши ҳақида хабар берилганди.
Деклан ўтган мавсумда "болғачилар" сафида Премьер-лигада 37 та ўйинда майдонга тушиб, 4 та гол ва 2 та голли узатмага муаллифлик қилган.
