Тармоқда Туриннинг "Ювентус" жамоасининг кейинги мавсум учун сафардаги янги формаси суратлари тарқалди.
Тегишли фотосуратлар La Maglia Bianconero журналистлари томонидан чоп этилган.
Пушти ранг "кекса синёра"нинг ушбу жиҳозлари тўпламига қайтди. Шаклда жами тўртта ранг тақдим этилди: оқ, қора, кулранг ва пушти.
Эслатиб ўтамиз, Италия чемпионатининг ўтган мавсумида "Ювентус" турнир жадвалида бор-йўғи 7-ўринни эгаллаган эди.
Скудеттони “Наполи” қўлга киритди, А Сериянинг кумуш медали соҳиби “Лацио” бўлди, “Интер” эса кучли учликни якунлади.
