"Вольфсбург" марказий ҳимоячиси Микки ван де Вен "Тоттенхэм"нинг трансфер мақсадларидан бири бўлиб қолмоқда.
Хабарингиз бор, “шпорлар” раҳбарияти 22 ёшли футболчи борасида музокараларни бошлаб юборган. Журналист Жон Кросснинг ёзишича, “Тоттенхэм” Ван де Венни сотиб олиш учун 30 миллион фунт (тахминан 35 миллион евро) сарфлашга тайёр. Клублар келишувга яқинлашишмоқда, айни дамда улар келишувнинг якуний тафсилотларини келишиб олишлари керак.
Микки ван де Вен Бундеслиганинг сўнгги мавсумида “Вольфсбург” сафида 33 та ўйинда майдонга тушиб, 1 та гол ва 2 та голли узатмага муаллифлик қилган.
