Криштиану Роналду ижтимоий тармоққа видео жойлаштирди. Унда 38 ёшли португалиялик гантел билан машқ қилган ҳолат акс этган. Роналду видео тагида ўзини яхши ҳис қилаётганини ёзган.
Машғулот давомида Роналду бироз рақсга тушди, у ҳам қисқа видео орқали ифодаланган. Криштиану Роналду айни дамда 2023/2024 йилги мавсум стартига тайёргарлик кўрмоқда.
Бу португалиялик юлдузнинг “Ан-Наср” сафидаги илк тўлиқ мавсуми бўлади. Криштиану бу клуб билан қишда шартнома имзолаганди.
Қўшимча қиламизки, Криштиану Роналду "Олтин тўп"нинг беш карра ғолиби ҳисобланади.
