"Барселона"нинг собиқ ярим ҳимоячиси, яқинда Япониянинг "Виссел Кобе" клубида фаолиятини якунлаган Андрес Иньеста "Интер Майами"га ўтиши мумкин.
RAC1 нашри хабарига кўра, испаниялик ярим ҳимоячи "Интер Майами"дан қизиқарли таклиф олди, Андрес у ерда "Барселона"даги собиқ жамоадошлари - Лионель Месси ва Серхио Бускетс билан яна бирлашиши мумкин.
Манбага кўра, Иньеста Саудия Арабистонидан ҳам таклиф олган. Ҳозирда у ўз имкониятларини кўриб чиқмоқда.
Иньеста "Виссел Кобе" таркибида сўнгги 5 мавсумни ўтказди. У 134 та ўйин ўтказиб, 26 та гол урди ва 25 та голли узатмани амалга оширди.
