Бразилия футбол конфедерацияси президенти Эдналдо Родригес Карло Анчелотти 2024 йилги Америка кубоги мусобақасида Бразилия терма жамоасини бошқаришига ишонч билдирмоқда. Бу ҳақда у Бразилия терма жамоасининг янги вақтинчалик бош мураббийи Фернандо Динизнинг таништирув маросимида айтди.
“Бразилияда кўплаб яхши мураббийлар бор ва Диниз улардан бири. Мен унинг инновацион ёндашувини пайқадим. У ҳар доим бир хил усулга амал қилган ва менга унинг янгиланиши ва тактик ғоялари жуда ёқди. Негаки, у ўйинга қараши Америка кубогида унинг ўрнини эгаллайдиган мураббий Анчелоттига жуда ўхшаш мураббий. Уларнинг ўйинга ёндашуви деярли бир хил", - дея Родригеснинг сўзларини келтиради АС.
Ҳозирда на “Реал”нинг, на Анчелоттининг ўзи бу борада бир қарорга келгани йўқ.
