Миланнинг "Интер" клуби яқинда "Удинезе"ни текинга тарк этган ярим ҳимоячи Роберто Перейрани кучайтирмоқчи. Журналист Николо Скиранинг хабар беришича, "нерадзуррилар" аргентиналик футболчига икки йиллик шартнома таклиф қилган.
Перейра трансфер бозорида бепул, бу 32 ёшли ярим ҳимоячини "Интер" учун жуда жозибали вариантга айлантиради. Эслатиб ўтамиз, аргентиналик футболчи аввал Туриннинг “Ювентус” ва Англиянинг “Уотфорд” клубларида ҳам ўйнаган.
Ўтган мавсумда Перейра А Серияда "Удинезе" сафида 5 та гол урди ва 7 та голли узатмани амалга оширди.
