"Милан" "Торино"нинг ўнг қанот ҳимоячиси Уилфрид Сингога қизиқиш билдирмоқда. Бу ҳақда CalcioMercato ўз саҳифаларида хабар берди.
Манбага кўра, "Милан" аллақачон маълум қадамлар қўйган ва шартномага Жуниор Мессиасни киритишни таклиф қилган. Бироқ “Торино” футболчи учун 10-12 миллион евро олишни афзал кўрмоқда.
22 ёшли Уилфрид Синго “Интер”нинг ҳам радарида бўлиб турибди. Кот-д'Ивуарлик футболчи "Торино"да 2019 йилдан бери ўйнаб келмоқда - аввалига ёшлар жамоасида, кейин эса асосий таркибда ўйнаган.