Ҳужумчи Харри Кейн ёзги трансфер ойнасида “Тоттенхэм”ни тарк этиб, “Бавария”га ўтмоқчи. Bild хабарига кўра, май ойида Мюнхен жамоаси бош мураббийи Томас Тухель Лондонда 29 ёшли футболчи билан учрашув ўтказган.
Суҳбат давомида Кейн Тухелни Мюнхенга кўчиб ўтишга тайёр эканлигига ишонтирди. Боз устига, ҳужумчи мотивациясини тушунтирди - у Чемпионлар лигасида ғалаба қозонишни хоҳлайди. Харри бу орзу у учун пулдан ҳам муҳимроқ эканини айтди.
Харри Кейн ҳали "Тоттенхэм" билан йирик совринни қўлга киритмаган. 2019 йилда “шпорлар” Ауди кубогини қўлга киритди, аммо бу ўртоқлик турнири эди.
Харри Кейннинг Лондон клуби билан амалдаги шартномаси 2024 йилнинг июнь ойи охиригача амал қилади.
