The Guardian хабарига кўра, "Тоттенхэм" Харри Кейнни клубда сақлаб қолиш учун унинг маошини сезиларли даражада оширишга тайёр.
Манбага кўра, "Тоттенхэм" 29 ёшли ҳужумчи учун маоши сезиларли даражада оширилган таклиф тайёрламоқда. Ҳозирда у ҳафтасига тахминан 200 минг фунт маош олади. Қайд этилишича, ҳужумчи ёзги трансфер ойнаси охиригача янги шартнома имзоламаслиги аниқ.
Олдинроқ “Бавария”, “Реал”, “Манчестер Юнайтед” ва “ПСЖ” Кейнга даъвогарлик қилаётгани, бироқ клубларнинг ҳеч бири “Тоттенхэм” президенти Дениел Левининг талабларига жавоб бера олмаслиги ҳақида хабар берилганди.
Кейннинг "Тоттенхэм" билан амалдаги шартномаси 2024 йилнинг ёзида якунига етади.
