Ярим ҳимоячи Скотт Мактоминай жорий трансфер ойнасида "Манчестер Юнайтед"ни тарк этиши мумкин. Николо Скиранинг сўзларига кўра, 26 ёшли футболчининг хизматларига "Брайтон" ва "Рома" қизиқиш билдирмоқда.
Шотландиялик футболчи 2017 йилнинг июлидан буён "қизил иблислар" сафида тўп сурмоқда. Томонлар ўртасидаги амалдаги шартнома муддати 2025 йилнинг ўрталаригача ҳисобланган. Transfermarkt унинг нархини 25 миллион еврога баҳолаган.
Мактоминей ўтган мавсумда Премьер-лигада 24 та ўйинда майдонга тушиб, битта гол урди ва 8 та сариқ карточка олди. "Манчестер Юнайтед" билан биргаликда чемпионатнинг бронза медали соҳибига айланди.
