"ПСЖ" ҳужумчиси АПЛ томон йўл олади. Independent нашрига кўра, Килиан Мбаппе "Реал"га ўтмайди. Мадридликлар президенти Флоринтино Перес "ПСЖ"га ҳужумчи учун бир тийин ҳам тўламоқчи эмас. У бир йил кутиб, Мбаппени текинга қўлга киритишни мақсад қилган.
Париж клуби эса 24 ёшли футболчи билан янги шартнома имзолай олмаса, уни шу ёзда 200 миллион еврога сотмоқчи. Мбаппенинг кейинги манзили АПЛ бўлиши мумкин.
Аммо унга даъво қилгани айтилаётган "Ливерпуль" ҳужумчи учун талаб қилинаётган суммани тўлай олмайди. Шу сабаб Мбаппе "Арсенал"га йўл олиши мумкин. Унга Микель Артета жамоасининг ўйин услуби ёқади. Қолаверса, жамоанинг дунёдаги обрўси ва мухлислар базаси ҳам ҳужумчини ром этган. Шу сабаб у ўзини АПЛда синаб кўришни мақсад қилган.
