Мюнхеннинг "Бавария" клуби Янн Зоммерни ўз сафида сақлаб қолиши мумкин. Sky Germany хабарига кўра, "қизил машина" швейцариялик дарвозабон борасида якуний қарорга келмаган.
Эслатиб ўтамиз, Зоммерни ҳозирда Андре Онана ўрнига "Интер" сотиб олмоқчи. Агар "Бавария" Янни қўйиб юборса, унинг ўрнига "Валенсия"дан Гиорги Мамардашвили келиши керак.
Бироқ, раҳбарият Янн билан ўзаро келишувга эга бўлишига қарамай, "Бавария" Зоммерни қўйиб юбормаслиги мумкин. Клуб аввалроқ швейцариялик посбонга Мануэль Нойер қайта тикланганидан сўнг қўйиб юбориш ваъда қилинганди.
Зоммер январь ойида трансфер қилинганидан бери Мюнхенда ярим йил ўйнади.
