"Барселона" келаси ҳафта "Жирона" ярим ҳимоячиси Ориол Ромеу трансферини якунламоқчи.

Diario Sport нашри хабарига кўра, "Жирона" 31 ёшли футболчи учун 8 миллион евро талаб қилмоқда, бу унинг шартномасидаги товон пули миқдори.

"Кўк-анорранглилар" эса 8 миллион тўлашни истамайди ва 4 миллион кафолатланган тўловлар ва 4 миллион бонусларни таклиф қилди. Футболчининг ўзига 2 йиллик шартнома таклиф қилинган, "Барселона" тарбияланувчиси бу трансферга рози.

Қайд этилишича, “Жирона” келишув шартларини муҳокама қилишни истамаяпти ва товон пули сифатида 8 миллион евро тўлашни талаб қилмоқда. Клуб "Барселона" олиб бораётган музокарадан норози бўлмоқда.