Яқин келажакда ёш ҳужумчи Витор Роке "Атлетико Паранаэнсе"ни "Барселона"га алмаштириши керак.
Globo Esporte нашри 18 ёшли бразилиялик футболчининг трансфер шартлари ҳақида маълумот берди.
Демак, "Барселона" "Атлетико Паранаэнсе"га 40 миллион евро тўлаши кафолатланган. Яна 21 миллион бонус сифатида шартномага киритилади (ўйинлар, голлар, унвонлар ва "Олтин тўп" учун). Каталония клуби 13 миллион евро солиқ ва йиғимлар тўлаши керак бўлади.
Булардан ташқари, "Атлетико Паранаэнсе" футболчига бўлган 20 фоиз иқтисодий ҳуқуқларни сақлаб қолади.
Эслатиб ўтамиз, ўтган мавсумда "Барселона" сўнгги 4 йил ичида илк бор Испания чемпионига айланганди.
