"Порту"нинг эронлик ҳужумчиси Меҳди Тареми "Милан"нинг радарига тушди. Италия клуби футболчини "Атлетико Мадрид" ҳужумчиси Альваро Моратага муқобил сифатида кўриб чиқмоқда, деб хабар беради Football Italia.
Манбага кўра, аввалроқ Мората "россонерилар"нинг ҳужумини кучайтириш учун асосий номзодлардан бири бўлган. Бироқ футболчининг қимматлиги, шунингдек, футболчининг маоши уни "Милан" учун ҳаддан ташқари қиммат вариантга айлантиради. Италия клуби эндиликда “Порту” билан шартномаси 2024 йилнинг июн ойи охирида тугайдиган 30 ёшли эронлик ҳужумчи билан шартнома имзолашга умид қилмоқда, бу эса футболчининг нархини пасайтиришга ёрдам беради. Трансфер билан боғлиқ ягона муаммо Тареми Европа Иттифоқига аъзо бўлмаган футболчи ва "Милан"да эса таркибда фақат битта ўрин қолган.
2022/2023 йилги мавсумда Меҳди “Порту” сафида миллий чемпионатда 33 та ўйин ўтказиб, 22 та гол ва 8 та голли узатмани амалга оширди. Transfermarkt интернет порталига кўра, футболчининг тахминий нархи 18 миллион еврони ташкил қилади.