"Тоттенхэм" дарвозабони Уго Льорис "ПСЖ"га ўтиши мумкин.

Daily Record нашри хабарига кўра, парижликлар 36 ёшли франциялик футболчини жамоанинг асосий дарвозабони Жанлуиджи Доннарумага рақобатчи сифатида ўз сафига қўшиб олмоқчи.

Манбанинг хабар беришича, "ПСЖ" Льорисни текинга қўлга киритмоқчи, аммо Лондон клуби раҳбарияти амалдаги шартномасида яна бир йил муддати бор футболчисини шунчаки қўйиб юбормоқчи эмас.

Эслатиб ўтамиз, Льорис 2012 йилдан бери "Тоттенхэм"да ўйнаб келмоқда. Ўтган мавсумда дарвозабон барча мусобақаларда 31 та учрашувда иштирок этиб, 45 та гол ўтказиб юборган ва 9 марта ўз дарвозаси дахлсизлигини сақлаб қолган. Франциялик футболчининг трансфер нархи 3 миллион еврога баҳоланмоқда.

Аввалроқ парижликлар Мануэль Угарте, Ли Кан Ин ва Люка Эрнандесни трансфер қилганди.