"Челси" сардори ва ҳимоячиси Тьяго Силва собиқ жамоадоши Кристиан Пулишичнинг "Милан"га ўтиши ҳақида фикр билдирди. Лондон клуби футболчини 22 миллион еврога сотишга рози бўлгани хабар қилинганди.
“Пулишич ажойиб йигит ва ақл бовар қилмас даражадаги футболчи. Ўтган йили у биз билан ўйнаш учун кўп имкониятга эга бўлмади.
Унинг "Милан"га юз фоиз боришига ишончим комил эмас, лекин агар борса, у ерда албатта муваффақият қозонади", - дея Силвадан иқтибос келтирди Sky Sports.
2022/2023 йилги мавсумда Пулишич "Челси" сафида барча турнирлар доирасида 30 та ўйинда майдонга тушиб, битта гол ва иккита голли узатмага муаллифлик қилган.
