"Севилья"нинг марокашлик ҳужумчиси Юсуф Эн-Несири "Ювентус" футболчисига айланиши мумкин.
La Gazzetta dello Sport хабарига кўра, Турин клуби 26 ёшли футболчини диққат билан кузатиб бормоқда.
Манбага кўра, агар жамоанинг амалдаги ҳужумчиси Душан Влахович клубни тарк этса, "Ювентус" Эн-Несирини сотиб олишга тайёр бўлади.
Қолаверса, "кекса синёра" "Севилья"даги молиявий муаммолар туфайли ҳамёнбоп нархда футболчи олишига ишонмоқда.
2022/23 йилги мавсумда Эн-Несири барча мусобақаларни ҳисобга олган ҳолда 48 учрашувда 18 та гол урди ва 2 та голли узатмани амалга оширди.
Transfermarkt портали ҳужумчининг нархини 20 миллион еврога баҳоламоқда.
