Лондоннинг "Арсенал" клуби тез орада бирданига иккита трансферни тасдиқлайди.
"Канонирлар" аллақачон "Вест Хэм" ва "Аякс" билан Деклан Райс ва Юрриен Тимберни сотиб олиш бўйича келишиб олишган. 24 ёшли англиялик ярим ҳимоячи тиббий кўрикнинг барча босқичларидан ўтди, 22 ёшли марказий ҳимоячи ҳам ўтиш жараёнини якунламоқда.
Журналист Крис Уитлининг ёзишича, "Арсенал" янги ҳафтада ҳар иккала трансферни расман эълон қилади.
Эслатиб ўтамиз, Деклан Райс бонусларни ҳисобга олган ҳолда клубга 120 миллион евродан кўпроққа тушади, Юрриен Тимбернинг трансфер нархи эса 40 миллион евродан ошади. Transfermarkt экспертлари янги футболчиларнинг нархларини мос равишда 90 ва 42 миллион еврога баҳоламоқда.
